Бэрдьигэстээх орто оскуолатын администрацията уонна үлэһиттэрэ балаҕан ыйын 5 күнүгэр оскуола таһыгар кырачаан үөрэнээччилэргэ анаан «Мичээр» оҕо сынньанар, оонньуур площадкатын бэлэх ууннулар. Бу кырачааннарга анаммыт площадканы 2014 сылга биллэриллибит «Бөһүөлэги тупсарыы» программа чэрчитинэн, «Утүө дьыала» хамсааһын бачыымынан оскуола үлэһиттэрэ туттулар. Площадка5а тупса5ай тутуулар бааллар: хачыаллар, сыыр, песочница, сынньанар ыскамыайкалар, сибиэhэй салгынна уэрэнэр зона.
Бу күн ыалдьыттарынан буоллулар: улуус МТ баһылыгын солбуйааччы Спиридонов В.В., нэһилиэк баһылыгын солбуйааччы Филиппова А.И., үөрэх улуустааҕы управлениетын начальнига Сметанина В.И., улуустааҕы гимназия директора Агеева Л.П., уонна төрөппүттэр.
Үөрүүлээх күнү алгысчыт, оһуокайдьыт Румянцев А.А. алгыс тылынан арыйда. Үөрэнээччилэр, төрөппүттэр ааттарыттан махтал тылы Черенкова Л.С. эттэ. Сахалыы сиэринэн салама ыйааһына, кымыс иһиитэ, «Оһуохай» күрэҕэ уонна өбүгэлэр оонньууларыгар күрэх ыытылынна. Ону таһынан площадка эмблематын, аатын айыыга күрэх ыытыллан, элбэх оҕо кыттыылаах ааста. Манна оҕолор үөрэн-көтөн туран кыттан, сынньанан тарҕастылар.
|