Муус
устар 15-25 күнүгэр С.П. Данилов аатынан Бэрдьигэстээх орто оскуолатын 15
үөрэнээччитэ, наукалар төрүттэрин билиигэ Норуоттар икки ардыларынаа5ы олимпиада5а кэтэхтэн түһүмэ5эр ситиһиилээхтик
кыттан, Прага куоракка суперфинала кыттан кэллэ. 7-10 кылаас үөрэнээччилэрэ
нуучча тыла, литература, английскай тыл, история, обществознание, информатика
предметтэригэр бэйэлэрин билиилэрин холоннулар.
Олимпиада5а Турция, Чехия, Польша, Украина, Белоруссия, Россия араас
регионнарыттан 300-тэн тахса о5о кытынна. Биһиги о5олорбут куһа5ана суох кыттан
дипломнарынан на5араадаланныллар. Бу Норуоттар
икки ардыларынаа5ы олимпиада быйыл VIII-с төгүлүн ыытылынна. Былырыын оскуолабыт о5олоро
Турция Анталия куоратыгар кыттан кэлбиттэрэ.
Олимпиаданы
таһынан, бырайыак чэрчитинэн кыттааччылар Чехия үөрэ5ин систематын билсэн,
Прага куорат оскуолаларыгар ыалдьыттаатыбыт уонна Европа дойдуларыгар Польша5а,
Австрия5а, Чехия5а, Белоруссия5а экскурсия5а сылдьан, Вена, Берлин, Брест кириэппэс,
Прага кэрэ-бэлиэ сирдэригэр: былыргы замоктарга, собордарга, музейдарга, кыраһыабай
садтарга, аквапарка5а, зоопарка5а күүлэйдээтибит. Олус үөрбүппүт диэн,
о5олорбут английскай тылынан хоп курдук кэпсэтэн бэйэлэрин наадаларын хайа
ба5арар быһаарсар кыахтаахтар эбиттэр.
О5олор
элбэ5и билэн-көрөн, үгүс до5оттордонон эргилиннилэр. Кинилэргэ олимпиада о5о
саастарын биир саамай умнуллубат дьоллоох түгэнэ буолан өйдөрүгэр-саастарыгар
хатаныа.
Инникитин
да оскуолабыт үөрэнээччилэрэ үрдүктэн үрдүк ситиһиилэнэн бэйэлэрин чугас
дьоннорун, учууталларын үөрдэ-көтүтэ турдуннар, араас дойдуларга сылдьан
бэйэлэрин үөлээннээхтэрин кытта алтыһан билии-көрүү аартыгын дабайдыннар!
Түгэнинэн
туһанан, о5олор төрөппүттэригэр, бэлэмнээбит учууталларыгар, оскуола директорыгар
А.А. Гаврильева5а бэйэлэрин бар5а махталларын тиэрдэллэр.
Салайааччылар
Шамаева М.Е., Павлова А.М.
|